قصيدة ابكت الجميع............

قصيدة ابكت الجميع............


السلام عليكم

قصيدة كتبها شاب سوا حادث سيارة ووالدته كانت معاه
الوالدة توفت و هو اصابته كانت خفيفة
وهذي الأبيات قالها للي يواسونه

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني


((..ربي احفظ والدي ووالدي المسلمين من كل شر ومصيبه..))



تحياتي

يعطيك العافيه على هذا الموضوع الشيق .. وربنا يحفظ لك والديك

يسلموو

السلام عليكم ورحمة الله وبركاته,,


حيّاكِ الله أختي العزيزة
..مرهفــــــــة الاحسآآآســ
..
موضوع رائع..نقل موفق
جزاكِ الله خيراً
أسأل الله تعالى أن يحفظ أمي وأمهات المسلمين
ويبارك تعالى في أعمارهم ولا يحرمنا حنانهم
اللهم آآميـن
..
بإنتظار فيض قلمكِ
على صفحات المنتدى شباب المقاطره تحياتي النبهي